Tríggir føroyingar luttaka í DM
30.04.2026Nú um vikuskiftið 2. og 3. mai fara tríggir føroyskir borðtennisleikarar at luttaka í DM fyri ungdóm, sum verður spælt í Ribe Fritidscenter í vesturjútska býnum Ribe.
Stórt myndasavn frá Kontrast FM
16.04.2026Niðanfyri sæst eitt stórt myndasavn frá Kontrast FM-finaludegnum tann 11. apríl, og eisini frá innleiðandi FM-kappingunum, sum vóru dagin fyri, 10. apríl. Tað er Tórir Mikkelsen, sum hevur tikið myndirnar fyri Borðtennissamband Føroya, Badmintonsamband Føroya og Judo Føroyar.
Hesi vórðu heiðrað sum ársins í borðtennis
12.04.2026Sum siður er á gallaveitsluni eftir Kontrast FM-finaludagin, vórðu tey, sum hava útmerkað seg í hesum kappingarárinum, útnevnd við ársins heiðrum.
Yvirlit: Føroyameistarar 2026
11.04.2026Felags Kontrast FM-finaludagurin hjá borðtennis, badminton og judo hevur verið í høllini á Hálsi í dag, og eins og undanfarin ár, var talan um ein sera væleydnaðan dag við hópin av góðum dystum og nógvum áskoðarum.
Hesir vóru bestir í miðaldeildini
11.04.2026Sum siður er, tá FM í borðtennis verður spælt, so verður eisini spælt FM í miðaldeildini, har øll - óansæð venjingarstøðu - eru vælkomin at luttaka. Sí úrslit frá ársins miðaldeild her: Miðaldeild, einmansleikur1. Edvard Faa Nårstad2. Ian Jacobsen3. Stig Orloff Miðaldeild, tvímansleikur1.
Nýggj kvinna í FM-finaluni
10.04.2026Innleiðandi FM-kappingin í borðtennis hevur verið í høllini á Hálsi í dag, og har var í øllum førum eitt heldur óvæntað úrslit, ið syrgdi fyri, at talan ikki verður um endurtøkur av FM-finalunum í fjør.
FM upptakt: Tey ungu bjóða av
08.04.2026Tá ið farið er at vára og komið er inn í apríl hevur spenningurin um FM í borðtennis hug at taka dik á seg, og soleiðis er eisini í ár, nú einans fáir dagar eru til stóri endabresturin á kappingarárinum verður 10. og 11. apríl.
Tríggjar føroyskar bronsur í Týsklandi
07.04.2026Páskaferiuna hava fimm ungir føroyskir borðtennisleikarar brúkt í Týsklandi, nærri nágreiniliga í týska býnum Flensburg, har teir hava luttikið í árligu kappingini, Oster Cup, sum fyri tað mesta er ein liðkapping, tó eisini við einum degi við einmansleiki.
FM ung: Hesi eru føroyameistarar
21.03.2026FM fyri ung hevur verið spælt í høllini í Trongisvági í dag, og her vórðu allir aldursbólkar spældir undantikið U17 dreingir og blandaður tvímansleikur, sum verður spælt í morgin, sunnudagin 22. mars.
Grand Prix-vinnarar kappingarárið 2025/2026
07.03.2026Grand Prix-kappingarárið 2025/2026 er at enda komið, og niðanfyri síggjast samlaðu vinnararnir í teimum ymisku aldursbólkunum, sum eftir sjeynda og seinasta Grand Prix-umfar í dag fingu handað heiðursmerki. Les eisini: Úrslit og myndir frá Grand Prix-endabrestinum
Úrslit og myndir frá Grand Prix-endabrestinum
07.03.2026Sjeynda og seinasta Grand Prix-umfar í hesum kappingarárinum varð spælt í høllini á Hálsi í dag, og talan var um sannan og sera góðan endabrest, har nógv og gott lív var í høllini, og heili 59 leikarar luttóku.
Avgerandi Grand Prix-umfar í Havn leygardagin
03.03.2026Nú skal alt avgerast í føroysku Grand Prix-kappingini, tá 7. og seinasta umfar í Grand Prix-røðini í ár verður spælt í høllini á Hálsi í Havn leygardagin 8. mars. Kappingin byrjar kl.12:00, og leikarar verða bidnir um at møta eina løtu áðrenn til upphiting og tilmelding við dómaraborðið.
Skráin fyri FM ung
02.03.2026Vikuskiftið 21. - 22. mars verður FM fyri ung spælt í høllini í Trongisvági. Skráin fyri kappingina er nú løgd, og hon sæst niðanfyri.Leikarar úr borðtennisfelagnum Tór hava møguleika fyri gisting á hotellinum í Øravík. Meiri er at frætta um hetta í facebook-bólkunum hjá felagum.
55 leikarar kappaðust - norðmaður ovastur
22.02.2026Heili 55 leikarar vóru við til kapping í høllini í Trongisvági í dag. Talan var um 6. og næstseinasta Grand Prix-umfar í hesum kappingarárinum, og hugaligt er at síggja, at tað bara er lagt afturat við leikarum sum kappingarárið er liðið.
Kapping í Trongisvági sunnudagin
17.02.2026Nú sunnudagin 22. februar verður aftur farið at kappast í borðtennis. Hesaferð er talan um 6. Grand Prix-umfar. Kappingin verður í høllini í Trongisvági, og hon byrjar umleið kl.13:30 tá leikarar norðanífrá eru komnir í høllina. Neyðugt er at melda seg til við dómaraborðið tá ein kemur í høllina.
Átta føroyingar kappaðust í Hafnarfirði
26.01.2026Nakrir leikarar á føroysku ungdóms- og A-landsliðum hava um vikuskiftið verið í Íslandi og luttikið í kappingini BH Open, sum er ein árliga afturvendandi kapping í Hafnarfirði, har føroyingar javnan hava luttikið áður.
Úrslit og myndir frá 5. GP-umfari á Hálsi
17.01.2026Fimta umfar í føroysku Grand Prix-kappingini varð spælt í høllini á Hálsi í dag, og her var tíbetur, sum mynstrið hevur verið í alt ár, sera góð undirtøka. Í dag luttóku 49 leikarar.
Leygardagin verður kapping í Havn
14.01.2026Tað eru bara nakrir dagar síðani síðstu kapping, men longu nú leygardagin verður aftur farið at kappast. Hesaferð er tað 5. Grand Prix-umfar, sum er á skránni. Kappingin verður í høllini á Hálsi í Havn, og hon byrjar leygardagin kl.12:00. Leikarar verða bidnir um at møta til upphiting kl.
Úrslit frá ársins fyrstu kapping
11.01.2026Ársins fyrsta kapping í Grand Prix-kappingini varð spæld í høllini í Trongisvági í dag, har 48 leikarar dystaðust í átta ymiskum bólkum. Í fremsta bólkinum, A-bólkinum, fór Ári Fríðason Jensen avstað við sigrinum frammanfyri nærmasta kappingarneytan, Rasmus Teitsson í Skorini, báðir úr Tór.
Ársins fyrsta kapping í Trongisvági sunnudagin
04.01.2026Nú sunnudagin 11. januar verður ársins fyrsta borðtenniskapping spæld. Talan er um 4. Grand Prix-umfar, sum verður spælt í høllini í Trongisvági. Kappingin byrjar kl.13:30, og leikarar verða bidnir um at melda seg til við dómaraborðið eina løtu frammanundan.