Nú sunnudagin 11. januar verður ársins fyrsta borðtenniskapping spæld. Talan er um 4. Grand Prix-umfar, sum verður spælt í høllini í Trongisvági. Kappingin byrjar kl.13:30, og leikarar verða bidnir um at melda seg til við dómaraborðið eina løtu frammanundan.
Um vikuskiftið hava fimm føroyingar luttikið í donsku kappingini OB Bordtennis Open í Odense - ein kapping, sum er partur av teimum árligu Grand Prix-stevnunum í Danmark, har leikarar savna sær stig í eini samlaðari kapping meinlíkt føroysku Grand Prix-skipanini.
Ein av broytingunum í ár hevur verið, at tá borðtenniskappingar eru í Havn, verður spælt í ovaru hæddini í høllini á Hálsi, og ikki í minnu høllini í niðaru hæddini, har borðtennisfelagið Tór annars heldur til. Og orsøkin er gleðilig.
Tað gongur dúgliga fyri seg fyri tíðina. Kapping var síðsta vikuskiftið, og longu nú um vikuskiftið verður aftur farið at kappast – hesaferð í Tórshavn. Talan er nevniliga um 3. Grand Prix-umfar, og tað verður spælt í høllini á Hálsi nú leygardagin 22. november kl.12:00.
2. Grand Prix-umfar varð spælt í høllini í Trongisvági í dag, og her var stóra søgan tann, at luttakaratalið var hitt hægsta í nógv ár – her luttóku nevniliga heili 57 leikarar, og neyðugt var at spæla í níggju ymiskum bólkum, sum samstundis er tað mesta í nógv ár.
Nú sunnudagin 16. november verður aftur farið at kappast. Talan er um 2. Grand Prix-umfar, og hesaferð verður kappast í Trongisvági. Kappingin byrjar kl.13:30 ella eina løtu fyrr, tá ið leikarar norðanífrá eru komnir suður við Smyrli.
Tað varð vorðið nakað trongligt við navnaskeltum á verandi FM-ferðasteypum, tá ið hesi skuldu handast nýklaktu føroyameistarunum í vár, og tískil varð avrátt at fáa nýggj ferðasteyp til vega.
Leygardagin 1. november fór føroyska kappingarárið í borðtennis av álvara av bakkastokki, tá skipað varð fyri fyrstu kappingini hetta kappingarárið, nevniliga 1. Grand Prix-umfar í høllini á Hálsi í Havn.
Nú leygardagin verður kappingarárið av álvara skotið í gongd. Tá verður nevniliga fyrsta kappingin í hesum kappingarárinum. Talan er um 1. umfar í Grand Prix-kappingini, og spælt verður í Havn. Kappingin verður leygardagin 1. november kl.12:00 í høllini á Hálsi.
Um vikuskiftið hava seks føroyingar luttikið á venjaraskeiði, sum danska borðtennissambandið skipaði fyri. Talan var um eitt grundskeið, og tað fór fram í Idrættens Hus í Brøndby.
Tað hava verið nakrir drúgvir, men góðir og gevandi dagar hjá føroyskum borðtennisleikarum, sum síðstu vikuna hava verið á longdari borðtennisferð í Danmark – fyrst í kapping í Aarhus, og síðani á venjingarlegu í Tjele.
Nú um vikuskiftið 11. – 12. oktober luttaka seks føroyskir borðtennisleikarar í donsku kappingini Aarhus Open, sum verður spælt í Brabrand, har vesturi í Aarhus.Hetta er fyrsta uttanlandskappingin hjá føroysku leikarunum í ár.
Skráin fyri kappingarárið 2025/2026 er nú endaliga løgd, og vit í Borðtennissambandi Føroya gleða okkum til eitt kappingarár við hópin av spennandi kappingum og øðrum virksemi bæði her heima og uttanlands.
Kappingarárið 2025/26 er um at fara av bakkastokki, og í komandi viku byrja venjingarnar aftur í feløgunum. Hjá TBF á Tvøroyri byrja venjingarnar aftur mándagin 18. august, og hjá Tór í Havn byrja venjingarnar aftur týsdagin 19. august.
Við hesum verður kallað inn til aðalfundin 2025 hjá Borðtennissambandi Føroya leygardagin 14. juni kl.12:00 í hølunum hjá ÍSF á Eystaru Bryggju 30 í Tórshavn.
Sum siður er í sambandi við FM í borðtennis, so verður á gallaveitsluni á kvøldi latnir heiðrar til teirra, ið hava útmerkað seg á einhvønn hátt í kappingarárinum.
Stóri felags Kontrast FM-finaludagurin hjá borðtennis, badminton og judo hevur verið í høllini á Hálsi í dag, og eins og undanfarin ár, so var talan um ein væl eydnaðan dag við hópin av góðum dystum á hægsta støði.
Innleiðandi FM-kappingin í borðtennis hevur verið spæld í dag, Flaggdagin 25. apríl, í høllini á Hálsi í Havn, har kappast varð í øllum greinunum, nevniliga einmansleiki, tvímansleiki og blandaðum tvímansleiki.
Rasmus Teitsson í Skorini úr borðtennisfelagnum Tór í Havn hevur um vikuskiftið verið í Danmark og luttikið í Kids Masters, har 48 teir fremstu leikararnir í U13-árganginum kappaðust í Hald Ege Idrætscenter tætt við Viborg.
Fríggja- og leygardagin 25. og 26. apríl verður endabresturin í hesum kappingarárinum, tá ið FM fyri vaksin verður spælt í høllini á Hálsi í Havn. 25. apríl er flaggdagur, og gevur hetta høvi til at byrja innleiðandi kappingarnar nakað fyrri í ár, soleiðis at tað ikki dregur ov langt út á kvøldið.
