Fyrsta borðtenniskappingin í hesum kappingarárinum verður spæld nú sunnudagin 5. november, tá 1. Grand Prix-umfar verður spælt í høllini í Trongisvági.

Kappingin skuldi upprunaliga vera undanfarna sunnudag, men varð avlýst í evstu løtu vegna broyttu ferðaætlanini hjá Smyrli.

Men nú verður tað!

Kappingin sunnudagin byrjar sunnudagin kl.13:30. Hetta er fyrsta umfar í einari røð av seks umførum fram til í februar næsta ár.

Ikki er neyðugt við tilmelding langt frammanundan, men tað er tó neyðugt at skráseta seg við navni og føðiári við dómaraborðið tá ið komið verður í høllina.

Borðtennissamband Føroya vónar at síggja nógvar leikarar til kappingina, og ynskir øllum eitt gott kappingarár!