Felags finaludagur er í høllini á Hálsi í dag, har borðtennis, badminton og judo ganga saman um árliga hæddarpunktið, nevniliga Kontrast FM.

Í ársins kvinnufinalu í tvímansleiki vóru tað tær báðar systrarnar úr TBF, Anna og Rakul Mikkjalsdóttir, sum struku avstað við FM-gullinum. Tær vunnu í finaluni 3-1 á teimum báðum Tór-spælarunum, Duritu F. Jensen og Sólju Hilduberg Djurhuus.

Anna Mikkjalsdóttir umboðar í løtuni Sisu MBK í Århus, meðan Durita F. Jensen fyribils spælir við Amager BTK í Keypmannahavn. Tær eru báðar undir lesnaði í Danmark.