Fyrsti kappingardagur í Arctic Open 2019 er nú av. Kappingin er í ár í íslendska høvuðsstaðnum, Reykjavík, og Føroyar luttaka við sjey kvinnum og seks monnum. Tey, sum umboða Føroyar, eru Fróði F. Jensen, Hallur Thorsteinsson, Pætur Albinus, Eyðun F. Ellendersen, Knútur Jóannesarson, Sveinur Mortensen Nolsøe, Durita F. Jensen, Rakul Mikkjalsdóttir, Elinborg C. Mortensen, Anna Mikkjalsdóttir, Sólja Hilduberg Djurhuus, Anja Wongwai og Britt Michelsen.

Á skránni í dag var blandaður tvímansleikur, og har fingu Føroyar tvey pør langt í kappingini. Tað nýliga samansetta parið, Hallur Thorsteinsson og Rakul Mikkjalsdóttir, vístu framúr gott spæl og spældu seg í hálvfinaluna, har tey tó máttu lúta fyri tí stinna íslendska parinum, Magnusi Úlfarssyni og Nevenu Tasic, sum seinni vunnu kappingina.

Systkini bæði, Fróði og Durita F. Jensen, spældu seg allan vegin í finaluna. Tey taptu ikki ein dyst á vegnum hagar, men taptu sum kunnugt finaluna. Finalan, ið var ein væl leiktur dystur, endaði við 3-1-sigri til íslendska parið.

Í morgin er liðkapping á skránni. Hon byrjar kl.11.00 føroyska tíð.

Føroysku liðini í liðkappingini:

Føroyar 1 - menn

Fróði F. Jensen

Hallur Thorsteinsson

Pætur Albinus

Føroyar 2 - menn

Eyðun F. Ellendersen

Knútur Jóannesarson

Sveinur Mortensen Nolsøe

Føroyar 1 - kvinnur

Durita F. Jensen

Rakul Mikkjalsdóttir

Elinborg C. Mortensen

Anna Mikkjalsdóttir

Føroyar 2 - kvinnur

Sólja Hilduberg Djurhuus

Anja Wongwai

Britt Michelsen