Nú er greitt hvørjir ársins FM-finalistar eru. Hetta er greitt eftir at innleiðandi FM-kappingin varð spæld í høllini á Hálsi í dag, har hópin av spennandi dystum vóru, og har styrkismetingarnar tó í síðsta enda vístu seg at halda.
Í hálvfinalunum hjá monnum hittust Fróði Fríðason Jensen og Albert Weihe Wolfsberg, sum hava verið í FM-finaluni síðstu tvey árini, og har hálvføroyski Albert, sum spælir við Hillerød GI í Danmark, hevur vunnið báðu ferðirnar.
Hesaferð gav Fróði honum skarpan gang og var á odda 2-0, men Albert kom væl aftur í aftur og vann at enda hálvfinaluna 4-2. Hetta er fyrstu ferð í níggju ár, at Fróði ikki er í FM-finaluni, meðan Albert framvegis ikki hevur tapt ein dyst í FM-samanhangi.
Í hinari hálvfinaluni vóru tað Tór-liðfelagarnir, Hallur Thorsteinsson og Ári Fríðason Jensen, sum hittust. Hallur hevur verið sera væl upplagdur hetta kappingarárið, og hetta staðfesti hann eisini í hálvfinaluni, har hann vann ein 4-0-sigur á 19 ára gamla Ára, sum tó enn hevur tíðina fyri sær at vinna inn á teir meiri royndu leikararnar.
Hjá kvinnunum verður talan um eina endurtøku av FM-finaluni frá í fjør, har Britt Michelsen og Anja Wongwai hittast. Í fjør var Britt omaná í finaluni og vann sítt fyrsta FM-gull, men Anja hevur spælt væl í ár, og lagt er upp til enn eina tætta og spennandi finalu ímillum tær báðar.
Á vegnum í finaluna vann Britt sína hálvfinalu 4-1 á Elsu Kathrinu Gisladóttir úr Tór, meðan Anja Wongwai vann sína hálvfinalu 4-0 á Marin Elisabet Poulsen úr TBF.
FM-finalurnar verða spældar á felags FM-finaludegnum saman við badminton og judo í morgin. Skráin fyri finalurnar sæst niðanfyri, og longri niðri eru øll úrslitini frá í dag. Finalurnar verða stroymdar beinleiðis á YouTube-kanalini Borðtennissamband Føroya Streaming, og frá kl.13:00 verður sjónvarpað beinleiðis á KVF.
FM-finalur - leygardagin 6. apríl
Menn, einmansleikur - kl.14:55
Hallur Thorsteinsson (Tór) - Albert Weihe Wolfsberg (Hillerød GI)
Kvinnur, einmansleikur - kl.13:15
Britt Michelsen (TBF) - Anja Wongwai (TBF)
Menn, tvímansleikur - kl.10:40
Hallur Thorsteinsson (Tór) / Fróði Fríðason Jensen (Tór) - Ári Fríðason Jensen (Tór) / Albert Weihe Wolfsberg (Hillerød GI)
Kvinnur, tvímansleikur - kl.10:00
Britt Michelsen (TBF) / Anja Wongwai (TBF) - Marin Elisabet Poulsen (TBF) / Elinborg C. Mortensen (TBF)
Blandaður tvímansleikur - kl.11:20
Albert Weihe Wolfsberg (Hillerød GI) / Britt Michelsen (TBF) - Ári Fríðason Jensen (Tór) / Anja Wongwai (TBF)
Úrslit
Menn - einmansleikur
Hálvfinalur
Hallur Thorsteinsson (Tór) - Ári Fríðason Jensen (Tór) 4-0 (12-10, 11-6, 11-7, 11-4)
Albert Weihe Wolfsberg (Hillerød GI) - Fróði Fríðason Jensen (Tór) 4-2 (10-12, 7-11, 11-5, 12-10, 11-6, 11-9)
Fjórðingsfinalur
Hallur Thorsteinsson (Tór) - Vagnur K. Nolsøe (TBF) 4-1 (11-2, 11-4, 11-7, 10-12, 11-3)
Albert Weihe Wolfsberg (Hillerød GI) - Ólavur Hammer (TBF) 4-0 (11-3, 11-4, 11-5, 11-5)
Fróði Fríðason Jensen (Tór) - Rasmus Teitsson í Skorini (Tór) 4-0 (11-5, 11-4, 11-5, 11-1)
Ári Fríðason Jensen (Tór) - Peter H. Niclasen (Tór) 4-2 (11-1, 15-13, 12-10, 9-11, 8-11, 13-11)
-
Kvinnur - einmansleikur
Hálvfinalur
Britt Michelsen (TBF) - Elsa Kathrina Gisladóttir (Tór) 4-1 (11-2, 11-6, 11-5, 9-11, 11-7)
Anja Wongwai (TBF) - Marin Elisabet Poulsen (TBF) 4-0 (11-4, 11-8, 13-11, 11-7)
-
Menn - tvímansleikur
Hálvfinalur
Hallur Thorsteinsson (Tór) / Fróði Fríðason Jensen (Tór) - Peter H. Niclasen / Sveinur M. Nolsøe (Tór) 3-0
Ári Fríðason Jensen (Tór) / Albert Weihe Wolfsberg (Hillerød GI) - Ólavur Hammer (TBF) / Poul Knút Poulsen 3-0
-
Kvinnur - tvímansleikur
Bólkaúrslit
- Britt Michelsen (TBF) / Anja Wongwai (TBF)
- Marin Elisabet Poulsen (TBF) / Elinborg C. Mortensen (TBF)
- Elsa Kathrina Gisladóttir (Tór) / Hadassa S. Christiansen (Tór)
Blandaður tvímansleikur
Hálvfinalur
Albert Weihe Wolfsberg (Hillerød GI) / Britt Michelsen (TBF) - Marin Elisabet Poulsen (TBF) / Poul Knút Poulsen (TBF) 3-1
Ári Fríðason Jensen (Tór) / Anja Wongwai (TBF) - Elinborg C. Mortensen (TBF) / Sveinur M. Nolsøe (Tór) 3-2
Fjórðingsfinalur
Ólavur Hammer (TBF) / Elsa Kathrina Gisladóttir (Tór) - Marin Elisabet Poulsen (TBF) / Poul Knút Poulsen (TBF) 2-3
Rasmus Teitsson í Skorini (Tór) / Hadassa S. Christiansen - Elinborg C. Mortensen (TBF) / Sveinur M. Nolsøe (Tór) 0-3