Síðstu umførini í Grand Prix kappingini verða í løtuni leikt í Høllini í Trongisvági. Næstseinasta umfarið er júst liðugt og vann Peter Niclasen besta bólkin. Hanus Sørensen gjørdist nr. 2, Sveinur M. Nolsøe nr. 3 og Knútur Jóannesarson nr. 4.

Eftir ein góðan bita í kantinuni verður sætta og seinasta umfar leikt seinnapartin. Eftir tað verða heiðursmerki handað vinnarunum í øllum bólkunum.

Góðir 50 leikarar dystast um seinastu stigini í GP 2014/2015.