Tað var hátíðardagur í høllini á Hálsi í dag, har borðtennisfelagið Tór í sambandi við triðja Grand Prix-umfar hátíðarhelt sín 30 ára stovningardag. Sigast má, at dagurin var sera væl eydnaður, og at tað var hugaligt at síggja so nógv fólk vera komin saman at fagna felagnum á stovningardegnum og at kappast.

Heðin Mortensen, borgarstjóri, og Elin Heðinsdóttir Joensen, ÍSF-forseti, hildu røðu, og Peter Hentze Niclasen, formaður og ein av stovnarunum í Tór, segði eisini nøkur orð.

Heðin Mortensen, borgarstjóri, handaði borðtennisfelagnum Tór eitt gávubræv.

Eftir røður og eitt lættari ábit vórðu battini funnin fram, tí tað var jú eisini tað, sum tað snúði seg um í dag – nevniliga triðja Grand Prix-umfar.

Seinastu kapping vóru 51 leikarar við, sum var tað mesta í mong ár, men í dag vóru enn fleiri, nevniliga 53 leikarar við í kappingini. Ein masters-bólkur var eisini, og har luttóku seks leikarar, sum áður hava verið drúgv í borðtennis, men ikki hava vant og kappast eins nógv síðstu árini. Dugur er tó framvegis í, og tað var hugaligt at síggja øll hesi hava funnið sær battið framaftur.

Í A-bólkinum var ein nýggjur leikari við, nevniliga svenski Anton Snygg, sum í løtuni býr og arbeiðir í Føroyum. Hann hevur áður spælt á høgum støði í Svøríki, og tað prógvaði hann í dag, tá hann streyk framvið øllum teimum annars sigursvandu føroysku leikarunum. Gott við einum øðrvísi, góðum íkasti frá tí fryntliga, unga svianum.

Næsta kapping verður um góðar tvær vikur, nevniliga sunnudagin 24. november, tá 4. Grand Prix-umfar verður spælt í Trongisvági.

Úrslit frá dagsins kapping síggjast niðanfyri, og niðast er eisini eitt stórt myndasavn.

Úrslit - 3. Grand Prix-umfar

Bólkur A

1. Anton Snygg (Tór)
2. Fróði Fríðason Jensen (Tór)
3. Hallur Thorsteinsson (Tór)
4. Ári Fríðason Jensen (Tór)
5. Rasmus Teitsson í Skorini (Tór)
6. Ólavur Hammer (TBF)
7. Vagnur Kjærbech Nolsøe (TBF)
8. Edvard Nårstad (TBF)
9. Teitur Haraldsen Albinus (Tór)
10. Jósva Fonsdal Højgaard (TBF)

Bólkur B

1. Poul Knút Poulsen (TBF)
2. Jákup Margar Debess (Tór)
3. Jóel E. Bringsberg (Tór)
4. Elinborg C. Mortensen (TBF)
5. Elsa Kathrina Gisladóttir (TBF)
6. Hadassa S. Christiansen (Tór)
7. Bogi Bringsberg (Tór)

Bólkur C

1. Suni á Lava (Tór)
2. Ruben Fjallsá Benbakoura
3. Høgni Dalsgaard (Tór)
4. Viljar Dulavík (Tór)
5. Benjamin Simonsen (TBF)
6. Filip Restorff (Tór)
7. Silja Teitsdótti í Skorini (Tór)
8. Dávid Hansen (Tór)

Bólkur D

1. Faroe Chairoek (Tór)
2. Tummas Wilhelm (Tór)
3. Rókur Løkjá (Tór)
4. Elias Otthamar Olsen (Tór)
5. Pumin Poulsen (TBF)
6. Dávid Simonsen (TBF)
7. Bára Sørensen (TBF)

Bólkur E

1. Gullbrandur Arge Rasmussen (Tór)
2. Abdulaye Keita (Tór)
3. Liam Steinkross (TBF)
4. Erik Biskopstø (Tór)
5. Einar Johansen (TBF)
6. Mattias Holm (TBF)

Bólkur F

1. Allan Christiansen (TBF)
2. Baldur Garðshamar (TBF)
3. Filip Thorsteinsson (TBF)
4. Dávur Dionsson (TBF)
5. Angelina Øster (TBF)

Bólkur G

1. Teitur Jespersen (Tór)
2. Jónas Teitsson í Skorini (Tór)
3. Ólavur Johansen (TBF)
4. Helga Mortensen (TBF)

Masters

1. Bergur Klúftá
2. Ian Jacobsen
3. Elin Nolsøe
4. Ann Tóra Láadal
5. Sigurð Djurhuus Carlsson
6. Maiken Hammer