Leygardagin 9. november verður triðja Grand Prix-umfar spælt í høllini á Hálsi í Havn. Kappingin byrjar kl.13:30.

Í sambandi við kappingina hátíðarheldur borðtennisfelagið Tór samstundis sín 30 ára stovningardag. Hátíðarhaldið byrjar kl.13:00 við røðum og onkrum góðum afturvið.

Borðtennisfelagið Tór letur frætta, at øll eru hjartaliga vælkomin.

Sum nevnt, so byrjar kappingin kl.13:30, og tilmelding til kappingina fer fram við dómaraborðið eina løtu áðrenn kappingin byrjar.