Skráin fyri kappingarárið 2020/2021 í føroyskum borðtennis er nú endaliga fastløgd. Talan er um árligu kappingarnar, sum Borðtennissamband Føroya skipar fyri - tað verið seg seks Grand Prix-kappingar, FM ung og FM vaksin.

Tað kann hugsast, at onkur kapping verður løgd afturat - eitt nú innanhýsis jólakappingarnar, ið feløgini sjálv skipa fyri. Nærri kunning um hetta fæst frá feløgunum tá ið tann tíðin nærkast.

Í sambandi við Grand Prix-kappingarnar skal upplýsast, at ein leikari skal hava verið við til í minsta lagi fimm av seks Grand Prix-kappingum fyri at hava rætt til heiðursmerki í samlaðu Grand Prix-kappingini. Annars verða vinningar latnir øllum bólkavinnarum í øllum kappingunum.

Kappingarskráin er eisini løgd í kalendaran til høgru á forsíðuni, og undir "Kalendari" í ovara bredda.

Kappingarskráin 2020/2021