Í fyrstu finaluni sunnudagin seinnapart vunnu Henrietta Nielsen og Fróði Jensen ímóti grøndlendska parinum Sivkersoq Gaertner og Julius Anike.

Finalan gjørdist sera spennandi, tí eftir at Henrietta og Fróði vunnu fyrstu tvey settini greitt 11-5 og 11-5, so svaraði Sivkersoq og Julius aftur og vunnu triðja og fjóra sett 20-18 og 11-8. Í fimta og avgerandi settinum avgjørdu føroyingarnir dystin og vunnu 11-8.

Triðja gullmerkið til Føroyar.

Bronsu vunnu Eyrún Eliasdóttir og Sindri Sigurðsson, Ísland og Arnannguaq Lyberth og Aqqalu Nielsen, Grønland.