Ársins aðalfundur hjá Borðtennissambandi Føroya varð hildin leygardagin 29. juni í hølunum hjá ÍSF á Vestaru Bryggju í Havn.

Á skránni var eitt nú nevndarval, og her stóðu tveir starvsnevndarlimir fyri vali. Tey vóru Elinborg C. Mortensen, næstforkvinna, og Pætur Albinus, skrivari.

Tey tóku bæði við afturvali.

Nýggjur í starvsnevndini er Hallur Thorsteinsson, og er starvsnevndin sostatt hækkað úr fýra nevndarlimum upp í fimm.

Eftir aðalfundin skipaði nevndin í Borðtennissambandi Føroya seg soleiðis:

Fróði Fríðason Jensen, formaður
Elinborg C. Mortensen, næstforkvinna
Teitur Albinus, kassameistari
Pætur Albinus, skrivari
Hallur Thorsteinsson, nevndarlimur