Fríggjadagin fara føroyskir borðtennisleikarar til Danmarkar at taka lut í kapping í Roskilde.

Talan er um vælskipaða kapping, ið hevur nógv ár á baki, og har útlendskir leikarar eisini leitar sær til.

Eldru leikararnir knýttir at A-landsliðshópinum fara við, og harumframt fara einir 10-12 ungdómsleikarar í aldrinum 9-13 ár eisini við. Borðtennissamband Føroya hevur júst sett Pætur Albinus sum ungdómsmennara, og verður hetta fyrsta høvið hansara at síggja ungdómsleikarar sínar í dysti uttanlands, og fer hetta helst at geva íblástur til menningarætlanirnar framyvir.

Vit ynskja leikarunum og venjarum teirra góða eydnu.