Føroyskir landsliðsleikarar hava um vikuskiftið luttikið í Kvickly Cup í Ribe í Danmark, sum er størsta kappingin í Danmark við einum luttakaratali, sum hesaferð var omanfyri 700. Umframt danskar leikarar, vóru eisini nógvir týskir og estiskir leikarar við.
Tvey av teimum seks Grand Prix-umførunum eru spæld, og tann fyribils samlaða støðan er tald saman. Leikarar vinna sær stig alt eftir hvørjum plássi í hvørjum bólki teir enda á, og samla sær síðani eitt samlað stigatal - bæði til eina stóra opna samanteljing, men eisini til sín egna aldursbólk.
Annað umfar í Grand Prix-kappingini í borðtennis varð spælt í høllini á Hálsi í dag, har 28 leikarar úr feløgunum Tór úr Havn og TBF av Tvøroyri luttóku. Kappast varð í bólkum býttir upp eftir styrki og úrslitum í undanfarnum kappingum.
Nú verður aftur farið at kappast. Leygardagin verður nevniliga 2. Grand Prix-umfar spælt í høllini á Hálsi í Havn. Kappingin byrjar kl.12:00, tá ið leikarar úr TBF eru komnir úr Smyrli og í høllina.
Tá ið annað Grand Prix-umfar verður spælt í høllini á Hálsi nú leygardagin tann 18. november, verður tað við einum nýggjum ungum harra í A-bólkinum. Talan er um 11 ára gamla Rasmus Teitsson í Skorini úr borðtennisfelagnum Tór í Havn.
Ársins fyrsta borðtenniskapping varð spæld í høllini í Trongisvági í dag, har 1. Grand Prix-umfar varð spælt. 32 leikarar úr fleiri ymiskum feløgum luttóku.
Fyrsta borðtenniskappingin í hesum kappingarárinum verður spæld nú sunnudagin 5. november, tá 1. Grand Prix-umfar verður spælt í høllini í Trongisvági. Kappingin skuldi upprunaliga vera undanfarna sunnudag, men varð avlýst í evstu løtu vegna broyttu ferðaætlanini hjá Smyrli. Men nú verður tað!
Seinastu vikurnar hava útvið 400 føroyskir skúlanæmingar roynt borðtennis í ítróttatímunum í skúlum teirra. Hetta hevur verið í einum átaki, sum Borðtennissamband Føroya hevur skipað fyri í samstarvi við skúlan við Løgmannabreyt og Tvøroyrar- og Trongisvágs skúla.
Borðtennissamband Føroya hevur sett nýggjan ungdómslandsliðsvenjara. Talan er um Hall Thorsteinsson, sum frammanundan er væl kendur í føroyska borðtennislandslagnum eitt nú sum landsliðsleikari og ein av drúgvu monnunum í borðtennisfelagnum Tór í Havn.
Kappingin, sum skuldi vera í Trongisvági í dag, sunnudagin 22. oktober, er útsett.
Borðtennissamband Føroya hevði leygardagin 21. oktober árliga aðalfundin, har eitt nú nevndarval var á skránni. Fróði Fríðason Jensen og Elinborg C. Mortensen stóðu fyri vali í starvsnevndini, og tey tóku bæði við afturvali.
Sunnudagin 22. oktober fer nýggja kappingarárið í føroyskum borðtennis av bakkastokki, tá ið fyrsta Grand Prix-umfar verður spælt í høllini í Trongisvági. Hetta er fyrsta umfarið í einari røð av seks. Kappingin í Trongisvági byrjar sunnudagin kl.13:30, og hóskar við farleiðina hjá Smyrli.
Um vikuskiftið var borðtennisungdómur savnaður á venjingarlegu í høllini á Hálsi í Havn. Hetta var fyrsta venjingarlegan hetta kappingarárið, og tað var Hallur Thorsteinsson, ið stóð á odda fyri venjingunum saman við Jan Berner, sum er í Føroyum í sambandi við skúlavitjanir.
Við hesum verður kallað inn til aðalfundin 2023 hjá Borðtennissambandi Føroya leygardagin 21. oktober kl.12:00 í hølunum hjá ÍSF á Frælsinum 30 í Tórshavn.
Nú er tann tíðin á árinum, har borðtennis í Føroyum av álvara er á veg upp aftur í snúningar. Venjingarnar eru byrjaðar úti í feløgunum, og í dag er júst ein mánaður til ársins fyrsta kapping verður spæld.
Her sæst eitt myndasavn frá oyggjaleikunum 2023, sum vóru á Guernsey í døgunum 9. - 14. juli 2023. Myndirnar eru læntar, við loyvi, frá myndamonnum av Guernsey, umframt at nakrar einstakar myndir eru tiknar av okkara egnu í hópinum.
Í dag hevur verið kappast í tvímansleiki á oyggjaleikunum á Guernsey.
Í dag hevur verið kappast í einmansleiki á oyggjaleikunum á Guernsey, og har hava átta føroyingar luttikið. Gott var at síggja, at føroyingarnir av álvara hava spælt seg heitar, og seks út av teimum átta føroyingunum spældu seg víðari úr bólkaspælinum.
Liðkappingin á oyggjaleikinunum er liðugt spæld og úrslitið gjørdist, at Føroyar gjørdust nummar sjey av teimum 13 luttakandi londunum. Føroyar høvdu sett nøsina upp eftir meira, men ásannast má eisini, at kappingin er sera stinn. Í dag varð kappast um 5. - 8.
Føroyska borðtennislandsliðið gjørdist nummar fýra í bólkinum hjá sær í liðkappingini á oyggjaleikunum. Hetta er greitt, eftir at tað í dag gjørdist til tvey tap ímóti tveimum stinnum londum, nevniliga Jersey og Álandi.
