Sveinur Mortensen Nolsøe úr borðtennisfelagnum Tór úr Havn var ikki at steðga, tá ið Topp 12-kapping varð fyriskipað í Trongisvági í dag. Hann vann snøgt sagt allar sínar dystir og stóð eftir sum uppiborin vinnari av kappingini. Tór-liðfelagar hansara, Pætur Albinus og Peter Niclasen, gjørdust nummar tvey og trý.

Í bólkinum eftir topp 12 vann Maria Albinus úr TBF einmansleikin. Nr.2 varð Beinta D. Joensen, og nr.3 varð Hanna Højgaard, báðar somuleiðis úr TBF av Tvøroyri.

Tvímansleikin í sama bólki vunnu Maria Albinus og Hjalgrím Højgaard úr TBF. Nr.2 vórðu Anja Wongwai og Britt Michelsen úr TBF, og nr.3 vórðu Bára Guttesen og Beinta D. Joensen, eisini úr TBF.