Lutakast hevur í dag verið um hvørji lond koma at hittast í liðkappingini á oyggjaleikunum á Gibraltar, sum vera í døgunum 6. til 12. juli. Lutakastið varð stroymt beinleiðis á facebook-síðuni hjá borðtennissambandinum á Gibraltar.

Føroyar komu í bólk A saman við Guersney, Hetlandi og Alderney. Hetlandi og Alderney vunnu Føroyar 7-0 ímóti í liðkappingini í Gotlandi í 2017, men Guernsey verður øðrvísi sera trupul mótstøða. Guernsey vann nevniliga liðkappingina seinast og er helst sterkasta liðið á oyggjaleikunum.

Sambært reglunum, so hittast tvey tey fremstu londini í hvørjum bólki í fjórðingsfinalunum, meðan nummar trý og fýra í hvørjum bólki spæla plaseringsdystir.

Bólkur A

Guernsey

Føroyar

Hetland

Alderney

Bólkur B

Áland

Menorka

Isle of Man

Bólkur C

Gotland

Jersey

Isle of Wight

Bólkur D

Grønland

Cayman-oyggjarnar

Gibraltar