Tað verður at líkna einari innrás av útlendskum borðtennisleikarum, tá ið Føroyaleikirnir verða hildnir í Føroyum í døgunum 30. juni til 3. juli. Ikki færri enn 24 útlendskir leikarar hava meldað seg til kappingina.

16 av leikarunum eru úr Grønlandi, og átta eru úr Íslandi. Umframt hetta luttaka 16 føroyskir leikarar, og tá ið talt verður saman, er talan um eina heilt stóra borðtenniskapping við tilsamans 40 luttakarum.

Føroyar, Ísland og Grønland hava í mong ár hitst við borðini við batti í hond. Seinastu nógvu árini hevur tað einamest verið til Arctic Open í mai-mánaða á hvørjum ári við skiftandi vertskapi.

Londini hildu, at nú møguleikin við Føroyaleikum beyð, skuldu vit heldur ganga inn í hetta stóra felags ítróttatiltakið, Føroyaleikir – og sigast má, at undirtøkan hevur verið sera góð í ár.

Skipað verður fyri bæði vaksnamanna- og ungdómskapping, og kappingarnar verða skipaðar í einmansleik, tvímansleik, blandaðan tvímansleik og ikki minst liðdystir landanna millum.

Tey, sum fara at umboða Føroyar, vera:

Albert Weihe Wolfsberg

Anja Wongwai

Ári Fríðason Jensen

Britt Michelsen

Elsa Kathrina Gisladóttir

Fróði Fríðason Jensen

Hadassa Schwartson Christiansen

Hallur Thorsteinsson

Hans Jacob Gaard Petersen

Knútur Jóannesarson

Marin Elisabet Poulsen

Poul Knút Poulsen

Pætur Albinus

Rasmus Teitsson í Skorini

Sveinur Mortensen Nolsøe

Símun Restorff

Spælt verður í Hoyvíkshøllini, og skráin er viðheft niðanfyri: