A-lands-19.jpg
Savnsmynd frá venjingarlegu í januar 2018.

Landsliðið úttikið til Arctic Open

Í døgunum 17. til 19. mai fer føroyska landsliðið at luttaka í Arctic Open, sum í ár verður í íslendska høvuðsstaðnum, Reykjavík. Hetta er ein millumtjóða kapping ímillum Føroyar, Ísland og Grønland við skiftandi vertsskapi. Næsta ár eru Føroyar vertir.

 

12 føroyskir spælarar eru úttiknir til kappingina hesaferð. Landsliðsvenjarin, Simon Nykjær-Fisher, hevur valt at úttaka seks kvinnur og seks menn. Hetta verður sostatt fyrstuferð, at Føroyar stilla upp við tveimum kvinnuliðum og tveimum mansliðum í Arctic Open.

 

Á manssíðuni eru Føroyar fullmannaðar, men á kvinnusíðuni eru avboð komin frá Henriettu Nørr og Onnu Mikkjalsdóttir vegna ávikavist skaða og próvtøku. Ístaðin eru tvær royndar vinstrahendur komnar úr TBF, nevniliga Elinborg C. Mortensen og Rakul Mikkjalsdóttir. Úr TBF eru tær báðar ungu, Anja Wongwai og Britt Michelsen, eisini úttiknar. Tær fáa sínar fyrstu landsdystir í Íslandi.

 

Føroyar til Arctic Open

 

Menn

Fróði Fríðason Jensen

Hallur Thorsteinsson

Eyðun F. Ellendersen

Pætur Albinus

Knútur Jóannesarson

Sveinur M. Nolsøe

 

Kvinnur

Durita Fríðadóttir Jensen

Rakul Mikkjalsdóttir

Elinborg C. Mortensen

Sólja Hilduberg Djurhuus

Britt Michelsen

Anja Wongwai

 

Venjari

Simon Nykjær-Fisher