Henrietta Nielsen og Durita F. Jensen saman við landsliðsvenjaranum Peter Niclasen.

Aftur gull til Føroyar

 Føroyar hava vunnið næsta gullmerkið í borðtenniskappingini í Hoyvíkshøllini har Grønland, Ísland og Føroyar kappast.

Henrietta Nielsen og Durita F. Jensen vunnu allar fimm dystirnar í kappingini í tvímansleiki hjá kvinnum og tryggjaðu Føroyum næsta gullmerkið í kappingini. Silvur vunnu Rosa Marie Petersen og Karlinnguaq Lundlblad úr Grønlandi og bronsuna vann blandaða parið úr Íslandi og Grønlandi, Aður Tinna Aðalbjarnardótti og Ingilli Petersen.

Í liðkappingin hjá monnum endaðu Føroyar aftast. Grønland 1 vann gull við at vinna allar dystirnar. Ísland 2 vann silvur og Ísland 3 bronsu.

Nú kl. 13 byrjaði blandaður tvímansleikur og kl. 15 verður tvímansleikurin hjá monnum og einmansleikurin hjá kvinnum avgreiddur.

 Ímorgin kl 09 spæla menninir innleiðandi í einmansleiki - og so endar alt við hálvfinalum og finalum seinnapart ímorgin. Kl. 13 verður hálvfinalan í tvímansleiki hjá monnum, síðani hálvfinalan í blandaðum tvímansleiki og so einmansleikurin hjá kvinnum og monnum. Kl. 15 byrja finalurnar í somu raðfylgju.

Eftir tað verður heiðursmerkjahandan.





«2017»Í dag«Okt»
30 31         1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
M T M H F L S